Crow Pictures

[rel] ტაბულა არტი

BigCrow — Tue, 22 Feb 2011 14:15:55 +0000

მინდა ორი ვიდეო ერთდროულად წარმოგიდგინოთ.

1. ერთი სამუშაო დღე ჟურნალ ”ტაბულაში”

ვიდეო, როგორც ასეთი, დიდ მხატვრულ ღირებულებას არ ატარებს, უფრო ხელის გავარჯიშებისთვის გადავიღე

Link for HD: Vimeo.com/19744051

2. ვალენტინობის დღე იქვე

ეს ვიდეო არც თუ თამამად, მაგრამ მაინც შეიძლება გავიდეს ვიდეო არტების სექციაში, ასე რომ მოიმარჯვეთ ყურები, განეწყვეთ ვალენტინურად და ჩართეთ ვიდეო:

Link for HD: Vimeo.com/20194358

ტრადიციული ნაწილი, ანუ გადაღების და დამუშავების ტექნიკა:

გადაღებისთვის გამოვიყენე Flip video recorder-ი, დასამუშავებლად NCH Video pad.

ყველა ვიდეოს საავტორო უფლება დაცულია, მის არასწორად გამომყენებელს საზეიმოდ მოვაჭრი ხელს.

ახალი ლოგო – დემო

BigCrow — Sat, 16 Oct 2010 11:20:54 +0000

ამ რამდენიმე დღის წინ დავიწყე After Effects-ის სწავლა. როგორც ყველა სწავლის პროცესი, ესეც საკმაოდ რუტინულია და დიდ მოთმინებას მოითხოვს. მაგრამ ინტერნეტში არსებული ძალიან კარგი ტუტორიალები და ის ფაქტი, რომ ნასწავლს მაშინვე იყენებ რაღაც ახლის ასაწყობად, ამარტივებს ყველაფერს. ასე რომ მინდა წარმოგიდგინოთ ჩემი წუხანდელი ნამუშევარი. დამოუკიდებლად ჯერჯერობით ვერ ვაკეთებ ასეთ რამეს, მაგრამ ”ჩახედვით და გადამეორებით” – კი ბატონო. იხილეთ და დატკბით.

პ.ს. ხმა არ ადევს, ასე რომ ტყუილად ნუ მოამზადებთ ყურებს.

ვიდეო – HD ვერსია:

ვიდეოს გვერდზე გადასასვლელად და დასაკომენტებლად, გაყევით ლინკს: Vimeo.com/15896182

Program used – Adobe after effects CS4

[rel] Rain in Tbilisi

BigCrow — Mon, 11 Oct 2010 12:57:59 +0000

ვიდეო, გადაღებული სპონტანურად. რამდენიმე კადრის გადაღება მინდოდა ჯერ არჩაუწერელი სიმღერისთვის და ისე გამოვიდა, რომ საბოლოოდ სულ სხვა მხარეს წავედი და მცირედი ვიდეოარტიც ავაწყვე. არტი თავის მხრივ არ შეიცავს არაფერ განსაკუთრებულს და პიზდეცინტელექტუალურს. ერთია, რომ ამ ჟანრში ეს ჩემი პირველი ნამუშევარია. ასე თუ ისე სრული ფორმის.

უბრალოდ დატკბით კადრის სილამაზით.

Soft used:
Stoik Capture – capturing video
Sony Vegas 9.0 – editing

ვიდეოს სრული ხარისხის სანახავად ჩართეთ HD mode და გაუშვით მთელს ეკრანზე.

ვიმეოზე დასაკომენტებლად, გადადი ვიდეოს გვერდზე: Vimeo.com/15577837

[rel] Robot Power

BigCrow — Sun, 04 Jul 2010 13:48:10 +0000

წარმოგიდგენთ დემო ვიდეოს, რომელიც გუშინ გადავიღე და დავამონტაჟე. ვიდეოს სიუჟეტი და სცენარი არ აქვს, ვინაიდან და რადგან წარმოადგენს მხოლოდ ძალების მოსინჯვას. ძალები მოსინჯულია და მწვანე შუქი ანთებულია – ასეთი ვიდეოების გადაღება შემძლებია. შემდეგი იქნება ალბათ უკვე მსგავსი სკილების სცენარიან არტში გამოყენება.

შეაფასეთ და დააფასეთ, თვით ვიდეო:

ლინკი: http://vimeo.com/13059573

[release] Durex – Create the next Ad

BigCrow — Sat, 03 Jul 2010 17:20:47 +0000

წარმოგიდგენთ ვიდეოს, რომლიც დამზადებულია დურექსის კონკურსში მონაწილეობის მისაღებად. Create the next Durex ad -ასე ქვია ამ კონკურსს. კლიპის იდეა მარტივია – დურექსი არ აპარებს. სარეკორდოდ დიდხანს ნაფიქრი და სარეკორდოდ მოკლე დროში დამზადებული ვიდეორგოლი. იხილეთ:

Link to video: http://vimeo.com/13056055

გთხოვთ დააშეაროთ/გაავრცელოთ.

[casting] მიმდინარეობს შერჩევა კლიპისთვის

BigCrow — Fri, 02 Jul 2010 12:05:07 +0000

სტუდია ”ქროუ პიქჩერზს” დაგეგმილი აქვს კლიპის გადაღება ”იმორტალ დრანკარდსის” ახალ სიმღერაზე – გელინო. კლიპისთვის გვჭირდება 3 (სამი) გოგო, სასიამოვნო გარეგნობის და მცირედი არტისტული ნიჭით. სასურველია შეეძლოთ ცეკვა. მსურველები გამოგვეხმაურეთ კომენტარებში. გადაღება იქნება შემდეგ პარასკევს ან შაბათს, ან ორივე დღეს, საღამოს საათებში, ასე რომ დროის ამბავშიც გაითვალისწინეთ.

სიმღერის მოსმენა შეგიძლიათ ქვემოთ:

[release] ჟურნალისტური ვიდეოშარჟი

BigCrow — Thu, 01 Jul 2010 10:48:57 +0000

მინდა წარმოგიდგინოთ ჩვენი ახალი ნაწარმი, რომელიც მართალია უკვე წარვადგინე სხვა საიტებზე (ni2.ge, bigcrow.ge), მაგრამ როგორც ნამუშევარი ჯერ არ განმიხილია.

ესაა ვიდეო ”შარფი და *ლე ლიბერალები”. ვიდეო გადავიღეთ 25 ივნისს, 2010, როდესაც მე და საბა ვიყავით ზღვაზე. ჩემი დივიკამი არ მქონდა თან წაღებული, შესაბამისად არც სთეიდიკამი, რის გამოც გამოსახულება საკმაოდ არასტაბილურია და ხტუნავს. თუმცა აღსანიშნავია ის, რომ ყველა მოქმედება, ფრაზა თუ კადრი არის იმპროვიზაცია. იმპროვიზაციაა მონტაჟიც, ფლეშკაზე შემთხვევით ნაპოვნი ქუდებით. თუმცა შესანიშნავი განათება და კარგი სამოყვარულო კამერა თავისას შვება და ვიდეოს ხარისხი ასატანს უახლოვდება. ახლა კი თავად ვიდეო, რომელიც წარმოადგენს ვიდეოშარჟს ქართული ჟურნალისტიკისა.

მისტერ დამძახებელი [short movie]

BigCrow — Wed, 14 Apr 2010 23:31:17 +0000

წარმოგიდგენთ ახალი კამერით გადაღებულ ახალ ნამუშევარს (14 აპრილი, 2010).

შორტ ფილმი – ”მისტერ დამძახებელი”. ეს არის პატარა ურბანული არტი, რომელიც რამდენიმე რეკორდს ერთდროულად ხსნის ქრაუ პიქჩერზისთვის – ყველაზე მოკლე ფილმი, ყველაზე მალე გადაღებული ფილმი, ყველაზე colored ფილმი, პირველი ვაიდსკრინ ფილმი.

იდეა თავისთავად არახალია და აღებულია ურბანული კულტურიდან. აქ იუმორისტულ სტილშია მოთხრობილი ერთი მცირე პრობლემის შესახებ, კერძოდ ესაა ”გადაწელილი ბაზარი”. დანარჩენს სიტყვებით ვერ აღწერ, ეს უნდა ნახო.

მცირე ტიტრები – სცენარის ავტორები, რეჟისორები, კამერა და გადაღება – ყვავა და მროველი. მაშ, მოვიდა ვიდეოს დროც:

link to video: http://vimeo.com/10929482

ვექტორული ანიმაცია

BigCrow — Thu, 07 Jan 2010 02:02:57 +0000

მაშ ასე, როგორც იქნა დადგა დრო, რომ წარმოგიდგინოთ ამდენი ხნის ნასწავლის და ნაღეჭის შედეგი. მართალი რომ ვთქვა, არც თუ ისე ამდენი ხანის, მაგრამ მაინც არის რაღაც შრომა ამაში ჩადებული.

პროექტი ხორციელდება ნი2.გე – თვის. ახლა კი თავად პროექტი. შეგახსენებთ, რომ ამასწინათ დავაპირე ხელით ნახატი მარტივი ანიმაციის გაკეთება, რისთვისაც მინისტუდიაც ავაწყვე, მაგრამ ტექნიკის უქონლობის გამო მომიწია ამ იდეაზე უარის თქმა (გადაღები ტექნიკის).

არც თუ ისე დიდი ხნის წინ კი ხელი მივყავი კომპიუტერულ, კერძოდ კი ვექტორულ, ანიმაციას (პროგრამა – Anime studio pro v.5.6). მართალია ძალიან დიდი ტემპებით არა, მაგრამ მაინც მივიწევ წინ. ორიოდე დამხმარეც რომ მყავდეს, შესანიშნავ რამეს გადავიღებდი, მარტო უბრალოდ ვერ გავწვდები იმდენი რამის ხატვა-ანიმაცია-გახმოვანება-მონტაჟს, რომ რაიმე მნიშვნელოვანი ზომის რაღაც გავაკეთო. ან დიდი დრო დამჭირდება ძალიან. ვნახოთ, ვნახოთ…

მანამდე კი წარმოგიდგენთ მიმდინარე რაღაცეებს. პირველი ჩარი, კოდური სახელწოდებით ”ნებიერა” და მისი პირველი მოძრაობა, ლაპარაკი და თვალების ანიმაცია:

link: http://vimeo.com/8143275

და მეორე ცდა, იგივე ჩარით, ოღონდ აქ დამატებულია გარემო, ანიმირებული გარემო, ასევე დამატებულია ლეიერების სიღრმის ეფექტი, რაც მანძილის შთაბეჭდილებას ქმნის. ასევე ანიმირებულია კამერაც:

link: http://vimeo.com/8585216

შეგახსენებთ, რომ ყველა დანარჩენი ვიდეოს და მთლიანად ”ქრაუ პიქჩერზის” ვიდეო სტრიმის ნახვა შეგიძლიათ ვიმეოს არხზე – Vimeo.com/channels/crowpictures

Mamia and Folks – Ep. 1

BigCrow — Sat, 17 Oct 2009 15:40:40 +0000

წარმოგიდგენთ ახალ სერიალს, რომელიც დამზადებულია ”ქრაუ პიქჩერზის” მიერ სპეციალურად ”ნი2 არტს”-ისთვის – ”მამია და ხალხი”. შეგიძლიათ განსაჯოთ მისი როგორც ტექნიკური, ასევე მხატვრული ღირებულებები:

Link: http://vimeo.com/7111031

ჰიტლერის ქართული ხმა

BigCrow — Fri, 16 Oct 2009 17:13:58 +0000

ეს ვიდეო, რომელიც ახლა უნდა წარმოგიდგინოთ, უკვე იყო დარელიზებული სხვა საიტზე, თუმცა ახლა მინდა მისი არა როგორც ვიდეოს, არამედ როგორც ახალი მცდელობის წარმოდგენა. ეს არის პირველი შემთხვევა, როდესაც ვიდეო კი არ გადავიღე, არამედ გავახმოვანე. შედეგი საკმაოდ დამაკმაყოფილებელია, ვგონებ. ასე რომ იხილეთ ვიდეო და შეაფასეთ თქვენც. ორიგინალი ფილმი – Downfall.

Link: http://vimeo.com/6993999

კამერის ახალი სტაბილიზატორი

BigCrow — Wed, 01 Jul 2009 10:31:32 +0000

გუშინ მე და მროველა განვიხილავდით მიმდინარე პერიპეტიებს და უეცრად შემომაწვა საოცარი სურვილი რამის შექმნისა. ავიღე ჩვენი ძველი შტატივი, რამოდენიმე რაღაც დავამატე და მივიღეთ სრულიად ახალი, ამჯერად უკვე შესანიშნავად მომუშავე, კამერის სტაბილიზატორი, რომლითაც სატესტო ვიდეოც გადავიღეთ.

ოდნავ მოგვიანებით გადავიღებ და დავდებ პატარა და მოსახერხებელ ტუტორიალს, როგორ უნდა აიწყოს მსგავსი სტაბილიზატორი ჩვენს ხელთ არსებული არასპეციფიური საშუალებებით. მანამდე კი იხილეთ სატესტო ვიდეო:

Vimeo:

link: http://vimeo.com/5397567

და მაინც Youtube-ზეც:

The 69th Element (Behind The Scenes)

BigCrow — Tue, 30 Jun 2009 08:24:58 +0000

ქალბატონებო და ბატონებო, გთავაზობთ ბონუს ვიდეოს ფილმზე The 69th Element (movie) – კამერის მიღმა დარჩენილი კადრები, მონტაჟი და ფილმში ვერ მოხვედრილი კადრები/სცენები. ამ ყველაფერს ამშვენებს მსუბუქი და ლამაზი მუსიკა.

ასე რომ უყურეთ და დატკბით, არანაკლები საყურებელია, ვიდრე ფილმი:

link: http://vimeo.com/5369802

უბადლო მონტაჟის ავტორი – მროველი

The 69th Element (movie)

BigCrow — Thu, 25 Jun 2009 16:06:01 +0000

მინდა შემოგთავაზოთ ახალი ფილმი, რომელიც გადავიღეთ დაახლოებით ერთი კვირის წინ, თუმცა დღეს მივამონტაჟეთ მხოლოდ ფილმი გადაღბულია იმ ახალი ტექნიკის დახმარებით, რომელზეც წინა პოსტში მქონდა ლაპარაკი, რაც ცოტათი შეეტყო კიდეც – კამერა ისე აღარ ხტუნაობს, როგორც საერთოდ ხტუნაობს ხოლმე

პოსტერი:

ფილმი გადაღებულია Trash სტილში, არანაირი წინასწარგანსაზღვრული სცენარი, მომზადებული სცენები და შერჩეული მსახიობები. ყველაფერი სუფთა იმპროვიზაციაა, რასაც თავისი ხიბლი აქვს.

ფილმში მონაწილეობენ:

მროველი – მსახიობი, თამაშობს ბიჭის როლს, ასევე სცენარისტის და მემონტაჟის მორალური ასისტენტი.
ვიზარდი – მსახიობი, თამაშობს გოგოს როლს, ”ოქროს ალუბლის ტოტის” პრიზიორი.
აპოკალიფსი – მსახიობი, თამაშობს უცნაური ტიპის როლს, ”ოქროს ხითხითის” და ”ოქროს აქ-ვარ”-ის პრიზების მფლობელი.
ყვავა – ოპერატორი და რეჟისორი, შეთავსებით მემონტაჟე და მასაჟისტი.

ფილმის ჟანრია ეპიკური ჰორორი, სტილი უკვე მოგახსენეთ, რომ თრეში. ასე რომ განეწყვეთ ფილმის საყურებლად, ჩააქვრეთ ოთახში სინათლეები და ჩართეთ ფირი:

YouTube -დან:

link: http://www.youtube.com/watch?v=TMViSyZGBis

ან Vimeo -დან:

link: http://vimeo.com/5321048

პ.ს. კომენტარები are Welcomed!

Steadycam

BigCrow — Wed, 10 Jun 2009 11:40:05 +0000

ვაშა მშრომელებს…

ამ ცოტაოდენი ხნის წინ ვიმეოზე ვუყურებდი რაღაც ლამაზ და მშვენიერ ტუტორიალს, როგორ უნდა გავაკეთოთ სახლის პირობებში ე.წ. ”Steadycam”-ი. სტედიკამი წარმოადგენს რაღაც პატარა მოწყობილობას, რომელიც გავს შტატივს და ასრულებს კამერის საპირწონეს ფუნქციას. გამოიყენება მოძრავი, ”ხელით” გადაღებისათვის, როდესაც კამერა არ არის შტატივზე დამაგრებული და წარმოადგენს ოპერატორის ”პირველი პირიდან” დანახულს. ვისაც გიცდიათ მსგავსი გადაღება კამერით, აუცილებლად დადგებოდით იმ პრობლემის წინაშე, რომ კამერა ხტუნავს, კადრი ცახცახებს და საბოლოოდ არაფერი კარგი აქედან არ გამოდის.

სწორედ ამისთვის მოიგონეს კამერის სტაბილიზატორი, რომელიც ერთდროულად ამძიმებს კამერას და თავისებურად წარმოადგენს ქანქარას, რომლის ერთ ბოლოში არის კამერა, მეორეში კი რაიმე სიმძიმე, რომელიც არ აძლევს კამერას და შესაბამისად კადრს იმის საშუალებას, რომ იფართხალოს და ყველაფერი გააფუჭოს.

ჰოდა იმას ვამბობდი, რომ ტუტორიალს ვუყურებდითქო ამ ყველაფერზე, დიდ სირთულეს არ წარმოადგენს სტაბილიზატორის დამზადება, მაგრამ ერთმა მომენტმა დამაფიქრა – ბოლოში კამერის დასამაგრებელმა ვინტმა. ბევრი ვიფიქრე თუ ცოტა გამახსენდა, რომ სადღაც ძველი და ცალფეხმოტეხილი ფოტოშტატივი მეგდო, რომელსაც ზუსტად ასეთი ვინტი აქვს თავში. გამოვაძრე, მივამაგრე კამერას და ოპა – ყოველგვარი წვალების გარეშე, ლამაზი და კოხტა სტაბილიზატორი შემრჩა ხელში, რომელსაც მართალია ცოტა გადაკეთება და დამუშავება უნდა, მაგრამ ნოლიდან აწყობას ჯობია.

ასე რომ, ესეც პატარა აპდეიტი გამოდის, ტექნიკის ამბავში. მაშასადამე ახალი ხარდი – ახალი ვიდეოები, უკეთესად გადაღებული. ვაშა…

Sunrise – time lapse

BigCrow — Sat, 11 Apr 2009 02:34:04 +0000

კიდევ ერთი ვიდეო აჩქარებული სახით, ამჯერად გათენების და არა მზის ჩავსლის. მიუხედავად იმისა, რომ შავი ფილტრი გამოვიყენე, ვიდეო მაინც გადანათდა ბოლოსკენ. ცხადია ეს კამერის ბრალიცაა. არადა თავიდან კარგ ფერებზეა…

ეს ყველაფერი არის გუშინდელი და დღევანდელი ნაშრომი. მოკლედ ასეა თუ ისეა, ნახეთ ვიდეო:

YouTube:

link: http://www.youtube.com/watch?v=ZRXFOZzW7rU

Vimeo:

link: http://vimeo.com/4094925

Make some Noise

BigCrow — Thu, 12 Mar 2009 18:11:24 +0000

ისევ და ისევ ვიმეოს პროექტი, ამჯერად უფრო რთული, ვიდრე წინა (5×5). ”მეიკ სამ ნოის” – მისი არსი მდგომარეობს იმაში, რომ ჩვეულებრივი ხმაურებისგან უნდა ააწყო რაღაც მუსიკის მსგავსი. ყოველთვის მინდოდა მსგავსი რამის გაკეთება, მაგრამ როდესაც ამას პროექტის და გამოწვევის სახე მიეცა, უფრო სტიმული მომეცა და გავაკეთე რაღაც, რისი ნახვაც შეგიძლიათ აქვე. ფაქტიურად შეფასებაც და რაც მთავარია – თქვენც შეგიძლიათ მსგავსის გაკეთება. ეს ყველაფერი, რასაც იხილავთ, სამი დღის არაინტენსიური მუშაობის შედეგია. მაშ ასე, ვიდეო:

link: http://vimeo.com/3601445

5×5-Chill Out

BigCrow — Tue, 10 Mar 2009 16:40:33 +0000

ეს ვიდეო არის გაკეთებული ვიმეოს პროექტისთვის ”5 Vignettes”. 5 ცალი 5 წამიანი ვიდეოს მონაკვეთი, დალაგებული ერთ ვიდეოში საერთო ხაზის მიხედვით. საკმაოდ საინტერესო რაღაცეებია ამაზე გადაღებული, სრული გალერეა შეგიძლიათ ნახოთ ლინკზე: Vimeo-5 vignettes (5×5). არტია რა, ფაქტიურად, ან შორტ ფილმი, ან რა ვიცი კიდევ რა.

ჩემი ვიდეო იხილეთ აქვე:

ლინკი: http://vimeo.com/3559593

vLog – ახალი ქუდი

BigCrow — Tue, 10 Feb 2009 00:18:13 +0000

ბევრი ვიშრომე თუ ცოტა (ღამის შრომა ორმაგად ანაზღაურებადიაო თან), შევქმენი ახალი ქუდი ვიდეოებისთვის, ძველი ცოტა არ იყოს გაცვდა და… გრაფიკული იდეა იგივეა თითქმის, ფონტია შეცვლილი, ეფექტი და რაღა თქმა უნდა საუნდტრეკი (ორიგინალი). ქუდი სიგრძეში იმხელაა, ქუდს რომ შეეფერება, 6 წამი ანუ, რაც სავსებით მოთმენადია ნებისმიერი ვიდეოს დასაწყისში.

შეგახსენებთ ან სულაც მოგახსენებთ, რომ ეს პოსტი განეკუთვნება კატეგორიას ”ვიდეო ბლოგი”, თავად ვიდეო ბლოგის ნახვა რომ vimeo.com/CrowPictures -ზე შეგიძლიათ, მაგას მგონი აღარც უნდა შეხსენება, მაგრამ მაინც, განმეორება ცოდნის დედააო. და აქვე ვიდეოვერსია ამ ყველაფრის:

ვიმეო:

link: http://vimeo.com/3152050

და აქვე სარეზერვო ვარიანტად YouTube:

link: http://www.youtube.com/watch?v=-DJyNAQuafM

vLog – ვიდეო ბლოგი

BigCrow — Sat, 07 Feb 2009 17:25:02 +0000

არა ზოგადად ვიდეო ბლოგი, არამედ ”ქრაუ პიქჩერზის” ოფიციალური (შეიძლება ასეც ითქვას) ვიდეო ბლოგი. დიახ, ბევრი ვიფიქრეთ თუ ცოტა, მივედით იმ აზრამდე, რომ ვიდეობლოგი მართლაც საჭიროა, სადაც პირდაპირ და თვალნათლივ იქნება ნაჩვენები ჩვენი შიდა სამზარეულო, რას ვაკეთებთ და როგორ.

არჩევანი ვიმეოზე შეჩერდა. ეს საიტი პირდაპირ შექმნილია იმისთვის, რომ ვიდეობლოგი გააკეთო, თანაც უახლოეს მომავალში ამ ფუნქციის გაუმჯობესებას და გალამაზებას აპირებენ, ასე რომ ყველაფერი მხოლოდ ახლა იწყება. შეგვიძლია ჩავთვალოთ, რომ დღეს დაიწყო ვლოგი ოფიციალურად.

იმისათვის, რომ ამ ვიდეო ბლოგზე (ვლოგზე) მოხვდეთ, უნდა გაყვეთ ამ ლინკს – Crow Pictures vLog და ამავე დროს ზეპირადაც დაიმახსოვროთ მისამართი, რომელიც მაქსიმალურად მარტივია – Vimeo.com/CrowPictures. პირდაპირ წერია სად და რა. იქვე შეგიძლიათ გამოიწეროთ განახლებები, თუ რაღა თქმა უნდა დარეგისტრირებული ხართ ვიმეოზე, თუ არა და არც ეგაა დიდად საწვალებელი პროცედურა.

თუმცა ამ ყველაფერთან ერთად პატარა საფიქრალიც გაგვიჩნდა, როგორ გავანაწილოთ ფუნქციები? ყველა ვიდეო, რაც დაიდება აქ (რელიზები, ტრეილერები და ა.შ., ანუ პროდუქცია) დავდოთ იქაც, პირიქით ვქნათ თუ ორივე ერთად? ამ საკითხზე მოგვიწევს ცოტა დაფიქრება და თუ თქვენც წაგვეხმარებოდით, ურიგო არ იქნებოდა. თუმცა კი, ყოველი შემთხვევისთვის, აქაც დაემატა კატეგორია ”vLog”. მანამდე კი ვლოგის გახსნის ოფიციალურ ცერემონიალს წარმოგიდგენთ:

თავად ვიდეო - http://vimeo.com/3118054

და არ დაგავიწყდეთ ეს მისამართი და “Subscribe” ღილაკზე თითის დაჭერა – Vimeo.com/CrowPictures.

კარატე – time lapse

BigCrow — Thu, 05 Feb 2009 14:50:51 +0000

დღეს მე და მროველმა თავი გავიგიჟეთ და ძველ კინოებში რომაა, დრაკონები და დინოზავრები რომ სათამაშოებივით მოძრაობენ, ეგეთი ვიდეო გადავიღეთ, ოონდ ჩვენი მონაწილეობით.

ცხადია დროის აჩქარებით
აქვე მოვაკოპირებ ამ ვიდეოს აღწერას, რომელიც ყველაფერს ხსნის:

We created this video for fun and not only. Becouse we are bored watching the same old porno, our girls are out of service and we have nothing to do. Also this is the test of our new feature – Time Lapse. watch and enjoy.

ვოტ.

ვიდეო YouTube -ზე:

link: http://www.youtube.com/watch?v=Y6AbjjuQS9I

ვიდეო Vimeo – ზე:

link: http://vimeo.com/3092899

Time Lapse

BigCrow — Tue, 03 Feb 2009 18:59:25 +0000

ასეა თუ ისე სიახლე, რაც არ უნდა პატარა იყოს ის, ყოველთვის საინტერესოა, განსაკუთრებით თუკი ეს სიახლე დაკავშირებულია ახალი შესაძლებლობების გახსნასთან, როგორც ამ შემთხვევაში. სიახლე არც ისეთი დიდია, დროის აჩქარებით წათამაშება გადავწყვიტე, კარგი ეფექტები გამოდის ხოლმე.

პრინციპი მარტივია, ვიღებთ ვიდეოს ანუ კადრების მიმდევრობას და ვუყურებთ იმაზე ჩქარა, ვიდრე გადაღებულია. ამ ყველაფერს აკეთებს პროგრამა (handy avi 3.1), ხელით კეთება მაზოხიზმია. აგერ, პატარა დემო:

გადაღების ტექნიკა: გადაღების სისწრაფეა ერთი კადრი ორ წამში, ვიდეოში გამოყენებულია 30 კადრი წამში, 60-ჯერადი აჩქარება, ანუ ვიდეოს ერთი წამი არის რეალური ერთი წუთი.

Video Vimeo-ზე:

link: http://vimeo.com/3060571

ან ვიდეო YouTube-ზე:

link: http://www.youtube.com/watch?v=cUHVS1SfQ58

პროფილები

BigCrow — Sat, 06 Dec 2008 14:03:42 +0000

ბევრი ვიფიქრე, თუ ცოტა ვიფიქრე, მომივიდა ასეთი შესანიშნავი იდეა, რომ საიტს, ბლოგს ან რაც გინდათ ის უწოდეთ-ს უნდა დაემატოს განყოფილება ”პროფილები”, სადაც იქნება ”ქრაუ პიქჩერზის” სტაფის პროფილები, ვინ არიან, რას აკეთებენ, რა როლი აქვთ ამ ყველაფერში და რაც მთავარია – იქვე იქნება პატარა ვიდეოპროფილიც მათთვის, ვისაც კითხვა ეზარება და საერთოდ, ვისაც ვიდეოს ყურება უყვარს

მოკლედ, ელოდეთ სიახლეებს. ყველა სიახლე, რა თქმა უნდა, დაიწერება აქვე. იმისათვის, რომ განახლება ავტომატურად მოგივიდეთ, გამოიწერეთ ბლოგის RSS არხი, ან უბრალოდ ჩაამატეთ ბლოგი ფავორიტებში (Ctrl + D) და შემოდით ხოლმე რეგულარულად.

ასე რომ, ელოდეთ სიახლეებს.

Tutor Show – როგორ ვიყიდოთ პრეზერვატივი

BigCrow — Thu, 04 Dec 2008 16:40:42 +0000

”ტუტორ შოუ”- პატარა, ცხოვრებისეული დეტალები, ნაჩვენები ვიდეოტუტორიალის სახით. ამ სადებიუტო სერიაში ნაჩვენებია როგორ უნდა ვიყიდოთ პრეზერვატივი. უყურეთ, დაფიქრდით, შეიძლება გაიცინოთ, შეიძლება არც, მაგრამ თუკი ეს პატარა შოუ ოდნავ მაინც იმოქმედებს თქვენზე (დადებითად ან უარყოფითად), ნუ დაგეზარებათ და დაწერეთ თქვენი აზრი ამ ყველაფრის შესახებ, რა არის კარგი, რა არა და ა.შ. მოკლედ, იხილეთ ”ტუტორ შოუ”-ს პირველი სერია ”როგორ ვიყიდოთ პრეზერვატივი”.

YouTube:

Link: http://www.youtube.com/watch?v=bhjQ9Z-SQos

ყველა საავტორო უფლება დაცულია და ეკუთვნის სტუდია ”Crow Pictures”-ს.

New* აქვე მინდა შემოგთავაზოთ ვიდეო, ქართულ სერვერზე:

ვიდეო თვალი.გე-ზე

Promoted by BigCrow’ Nest

Tutor Show – trailer

BigCrow — Wed, 26 Nov 2008 14:33:25 +0000

სტუდია ”ქრაუ პიქჩერზი” წარმოგიდგენთ ახალ შოუს ”Tutor Show“. შოუ ატარებს სკანდალურ ხასიათს და ხშირ შემთხვევაში ექნება გრიფი 18+. ნახეთ ის, რასაც ტელევიზორში ვერ ნახავთ! მალე, მხოლოდ ჩვენს ბლოგზე… ძალიან მალე!

მანამდე იხილეთ შოუს ტრეილერი ( YouTube ):

ლინკი: http://www.youtube.com/watch?v=2HdpCiaWyIY

Tv Pollitra – თოქშოუ

BigCrow — Thu, 30 Oct 2008 12:32:31 +0000

იდეა ინსპირირებულია ქუჩაში გაკრული ბანერის მიერ, რომელსაც ეწერა ”რადიო პალიტრა”. იდეის ინსპირირება მოხდა ჩემი და ბატონი დავითის მიერ, იქვე სპონტანურად შეიკრიბა სტაფი (გეგა და გოშა), მოვიფიქრეთ სახელი ”TV პოლლიტრა” და პირველი შოუც გადავიღეთ, იქვე ხელათ ნაშოვნ სტუდიაში (გოშას პადვალში).

ვიდეო სამწუხაროდ ჯერ არ არის ხელმისაწვდომი, ვინაიდან და რადგან ძალიან დიდი გამოვიდა და სად შევტენო არ ვიცი, მაგრამ საღამოსკენ უკვე შეგეძლებათ დატკბეთ ჩვენი გენიალური შემოქმედებით. ჩათვალეთ, რომ ეს არის ანონსი.

ელოდეთ რელიზს. მანამდე კი ერთ სანუგეშო სკრინს გაჩვენებთ, შოუდან, ”მე და ბატონი დავითი” .

…

Update: ქართული ინტერნეტის პირობებში (როგორც ამბობენ მალე ესეც აღარ გვექნება) ეღირსა და ავქაჩე ვიდეო MyVideo.ge -ზე. შეგიძლიათ უყუროთ და დატკბეთ. ვიდეოს სიგრძე – 23:47, ხარისხი – Fine.

ვიდეოს საყურებლად დააჭირეთ ლინკს: ვიდეოს საყურებელი ლინკი.

აქვე ტიტრები:

წამყვანები – ყვავა და დავითი, ოპერატორები – გოშუნა და გეგუნა , პოსტ პროდუსინგი – ყვავა.

რაღა თქმა უნდა ვიდეოზე ყველა საავტორო უფლება დაცულია.
©2008, Crow Pictures Production.

მესამე ეპიზოდის ნაცვლად

BigCrow — Mon, 15 Sep 2008 12:12:43 +0000

გამარჯობა ჩვენო ერთგულო, არაერთგულო და შემთხვევითო მაყურებელო. დღეს უკვე მესამე ორშაბათია დოგმაფილიისთვიც და წესით ახლა აქ მესამე ეპიზოდი უნდა დაიდოს. მაგრამ, მოგეხსენებათ იდეალური არაფერია ამქვეყნად, როგორც მეორე ეპიზოდში უკვე აღინიშნა, ცხოვრება აღსავსეა მოულოდნელობებით და ”ქრაუ პიქჩერზის” ცხოვრებაც არაა გამონაკლისი. გარემოებების არასასურველი დამთხვევების გამო გამოვიდა ისე, რომ სერიის გადაღება ვერ მოხერხდა მთელი კვირის განმავლობაში, ძირითადად მროველის ფლანგზე. შოუ ჩავარდნის საფრთხის წინაშე დადგა, მაგრამ ჩვენმა გენიალურმა თავებმა იპოვა გამოსავალი.

მაშ ასე, მინდა წარმოგიდგინოთ ოდნავ სახეშეცვლილი დოგმაფილია, მესამე ეპიზოდი, სადაც მროველის მაგივრად უკვე ახალი წამყვანი და დოგმაფილია – დიმა, იგივე შოუმენი. ზემოთხსენებული გარემოებების გამო სერია გადავიღეთ მხოლოდ გუშინ, ამიტომ ახლა შემიძლია შემოგთავაზოთ მხოლოდ და მხოლოდ ტრეილერი ახალი ეპიზოდისა, რომელიც ოთხშაბათს გამოვა.

მაშ ასე, იცნობდეთ და გიყვარდეთ, დოგმაფილია – მესამე ეპიზოდი (ტრაილერი). აქვე საიდუმლოს გაგიმხელთ და გეტყვით, რომ ამ ეპიზოდში ვამოწმებთ დოგმას ”ერთი თხილის გული ცხრა ძმამ გაიყო”.

ახლა კი საქმე. ვიდეო Google Video -ზე:

Link: http://video.google.com/videoplay?docid=-7710881014089901198&hl=en

ვიდეო YouTube -ზე:

Link: http://www.youtube.com/watch?v=r17_fGYpyh0

და რა თქმა უნდა ქართულ რესურსზეც: http://tvali.ge/index.php?action=watch&v=29652

დოგმაფილია-მეორე ეპიზოდი

BigCrow — Tue, 09 Sep 2008 21:46:15 +0000

დოგმაფილია, მეორე ეპიზოდი, სახელად ”რაც არ იწვის, არ ანათებს”. მართლაც, ასეა თუ არა, ყველაფერი რაც ანათებს, აუცილებლად უნდა იწვოდეს? როგორც ამ სერიაში დგინდება, სულაც არა. ასე რომ ბევრი შესავლის გარეშე უბრალოდ ვიდეო…

ავტორები და წამყვანები: ყვავა და მროველი
ოპერატორი და მემიკროფონე: აპოკალიფსი
მონტაჟი და ჩახუტება: ყვავა

სერია YouTube-ზე:

Link: http://www.youtube.com/watch?v=lECA3j00FXs

და აჰა, ეღირსა როგორც იქნა და ახლა უკვე სერია Google Video-ზეც:

Link: http://video.google.com/videoplay?docid=6090456182734137264&hl=en

Update* ვიდეო ამჯერად უკვე ქართულ საიტზე: http://tvali.ge/index.php?action=watch&v=28985

დოგმაფილია-პირველი ეპიზოდი

BigCrow — Tue, 02 Sep 2008 23:31:18 +0000

პირველ რიგში მინდა მოგიბოდიშოთ იმის გამო, რომ ამდენი ხანი არ დაიდო სერია. ეს ყველაფერი მოხდა ჩვენზე ნაკლებად დამოკიდებული მიზეზების გამო, ასე რომ შოუს მსვლელობაში არაფერი იცვლება და შემდეგ ორშაბათს ჩვეულებრივად იქნება მეორე სერია.

ახლა კი ამ სერიაზე. სერიის სახელია ”ვერ დაიჭირავს სიკვდილსა გზა ვიწრო, ვერცა კლდოვანი” და შესაბამისად ვამოწმებდით ამ ფრაზას. რატომ ავირჩიეთ ეს აფორიზმი? მართალი რომ ვთქვა, არ ვიცი. გვაქვს რეზერვში ამაზე ბევრად უკეთესი და უფრო ”ჰიტოვი” ფრაზები, რომლებიც კარგი იქნებოდა პირველ გადაცემაში, მაგრამ საბოლოოდ მაინც ამაზე გავჩერდით.

სერიაში, როგორც ეს გადაცემის ფორმატიდან მოსალოდნელი იყო, ვცდილობთ პირდაპირი მიდგომის გზით შევამოწმოთ დოგმის სიმართლე, მართალია რეალურად არავის ვკლავთ ვიწრო გზებზე, მაგრამ იმიტაციას მაინც ვახდენთ. საბოლოოდ, სხვადასხვანაირი გზების და იარაღების კომბინაციების შემდეგ ვასკვნით, რომ ეს დოგმა არის მართალი, ვიწრო და კლდოვანი გზა, ანუ პატარა ბილიკი, ვერანაირი სახის სიკვდილისგან ვერ დაგიფარავს. რაც შეეხება დიდ გზას, აქ უკვე გიჩნდება რაღაც შანსები.

სერიის ავტორები – ყვავა და მროველი
სცენარიც მათივე
ოპერატორი და ხმის რეჟისორი – აპოკალიფსი
ასისტენტის როლში – ჰანი

და რაღა თქმა უნდა სერია, YouTube-ზე:

ლინკი: http://www.youtube.com/watch?v=K_pDJBiCooY

და Google Video -ზე

ლინკი: http://video.google.com/videoplay?docid=-8866751707978911874&hl=en

დოგმაფილია-პირველი ეპიზოდის ტრაილერი

BigCrow — Fri, 29 Aug 2008 21:43:11 +0000

იცით ალბათ უკვე, რომ პირველი სერია ორშაბათს უნდა გამოსულიყო, პირველში, მაგრამ მაქამდე ჯერ ერთი რა დაიცდიდა და მერეც მეორე, ტრაილერი ყველა პროდუქტს ჭირდება…

აქედან გამომდინარე მინდა წარმოგიდგინოთ პირველი სერიის ტრაილერი. ამ სერიაში, რომელიც ამავდროულად სეზონის პირველი სერიაცაა, ყვავა და მროველი შეუტევენ დოგმას “ვერ დაიჭირავს სიკვდილსა გზა ვიწრო, ვერცა კლდოვანი”. ამ ყველაფერთან ერთად კი პირველი სურპრიზიც – სერიალში ახალი პერსონაჟია, განუმეორებელი ჰანი. ასე რომ უყურეთ და დაელოდეთ ორშაბათს…

ლინკი: http://www.youtube.com/watch?v=7Ufwgn7akR4

New* ახლა უკვე Google Video – ზეც:

ლინკი: http://video.google.com/videoplay?docid=-7823613419149478073&hl=en

დოგმაფილია – ახალი პროექტი

BigCrow — Tue, 26 Aug 2008 18:39:51 +0000

ქალბატონებო და ბატონებო!
მაქვს პატივი წარმოგიდგინოთ ”ქრაუ პიქჩერზის” ახალი პროექტი ”დოგმაფილია”.

როგორც მოგეხსენებათ, ქართული ენა ძალიან მდიდარია სხვადასხვა ფრთიანი გამოთქმებითა თუ ანდაზებით, რომელთა ჭეშმარიტებაში ეჭვიც არავის შეაქვს, მაგალითად ”ერთი თხილის გული ცხრა ძმამ გაიყოო”. მაგრამ ასეა თუ არა, მართლა შესაძლებელია თუ არა ერთი თხილის გულის ცხრა ძმაზე გაყოფა, ეს არავინ იცის, ან თუნდაც ერთნაირად ”მოეფინების” თუ არა მზე ვარდსა და ნეხვს. ამ ყველაფრის შემოწმება, დამეთანხმებით რომ აუცილებელია…

”Crow Pictures” წარმოგიდგენთ შოუს ”დოგმაფილია”, რომელშიც ორი დოგმაფილი, ყვავა და მროველა, მოახდენენ სასწაულებს, გადატრიალებას ერის აზროვნებაში და მეცნიერულად შეამოწმებენ ყველა იმ მითის რაობას და სიმართლეს, რომელიც ტრიალებს ხალხში, თუნდაც ერთი მარგალიტი რომ ავიღოთ – ”გრუზინსკი ხუი ბეტონ ლამაეტ”… რას და როგორ გატეხავს ”ქართული ხუი”, მაგას თქვენი თვალით იხილავთ.

ამ ყველაფერს ექნება შოუს სახე, რომლის პირველი სერიის გამოსვლაც დაგეგმილია ”სექტემბერსა პირველსა, 2008” და ამის შემდეგ ყოველ ორშაბათს თქვენი თვალით შეგეძლებათ იხილოთ მორიგი დოგმის მსხვრევა ან თუნდაც დამტკიცება. მანამდე კი იხილეთ საპილოტო-საანონსო სერია, სადაც უბრალოდ ხდება ამ ყველაფრის წარდგენა.

Update* ვიდეო უკვე ქართულ საიტზე: http://tvali.ge/index.php?action=watch&v=28992

მაშ ასე, ვიდეო სტუდიაში… YouTube-ზე:

ლინკი ვიდეოზე: http://www.youtube.com/watch?v=U_yxTzwV67c

New* ახლა უკვე Google Video -ზეც…

http://video.google.com/videoplay?docid=7934819325862646220&hl=en

როგორც იქნა ეღირსა მაივიდეოს… ესეც მაქაური ლინკი: http://www.myvideo.ge/?video_id=254670

რაღა თქმა უნდა ნაწარმზე ყველა საავტორო დაცულია და გვეკუთვნის ჩვენ, ქრაუ პიქჩერზს. ეს ისე, ფორმალური ნაწილი.

იცით თუ არა რომ – ყველა სერია ერთად

BigCrow — Sun, 20 Jul 2008 12:55:55 +0000

აჰა, როგორც იქნა, მოება თავი ამ დიად და საშვილიშვილო საქმეს, ”იცით თუ არა რომ” (ხან კონგოსთან და ხან გეგასთან ერთად) როგორც იქნა ავტვირთე ყოუტუბზე, ყველა სერია და ახლა თქვენც შეგიძლიათ დატკბეთ ამ ყველაფრით…

ბევრი რომ არ გავატრაკო (ცხელა და ბევრი წერის თავი არ მაქვს), აქვე პლეილისტის ლინკი, დააჭირეთ და ყველა სერია, პირველი და მეორე სეზონები, გადაგეშლებათ თვალწინ

http://www.youtube.com/view_play_list?p=313F34E49448EB36 – YouTube Playlist.

იცით თუ არა რომ (2-2) ტრეილერი

BigCrow — Fri, 27 Jun 2008 18:57:54 +0000

მუზამ შეგვაწუხა ამ ორიოდე დღის წინ და გადავწყვიტეთ, რომ გადავიღოთ ”იცით თუ არა რომ”-ის მეორე სეზონის შემდეგი, ანუ მეორე სერია. გადაღებები არ დამთავრებულა, ფაქტიურად, მაგრამ მანამდე შემიძლია წარმოვადგინო ტრეილერი.

მაშ ასე, ”იცით თუ არა რომ… კონგოს დაბრუნება” (ტრეილერი)

ლინკი: http://www.youtube.com/watch?v=uywb3MDRLyg

New! გადმოსაწერი ლინკი: Download (bin.ge) , Download (allshares.ge)

ჩასაფრებული შეიდი, უხილავი ყვავი

BigCrow — Mon, 28 Apr 2008 23:21:40 +0000

ახალი ”ფილმი”, თუ შეიძლება ამას ასე ეწოდოს. პრინციპში, ფილმი ყველაფერს შეიძლება ეწოდოს, თუნდაც ის სრულიად შემთხვევით იყოს გადაღებული, როგორც ამ შემთხვევაში.

”ჩასაფრებული შეიდი, უხილავი ყვავი” არის ამ ჟანრის შედევრი. ფილმი გადაღებულია ჩინური ორთაბრძოლების საუკეთესო ტრადიციებში, მასში… მოკლედ ბლა ბლა ბლა

მობილნიკით გადაღებული ერთ წუთიანი ბოევიკი. უყურეთ და დატკბით

ლინკი: http://www.youtube.com/watch?v=UguV-juJHa4

New! ჩამოსაქაჩი ბმული (ბინ.გე): http://bin.ge/file/164748/Crounching-Shady–Hidden-Crow.wmv.html

ეს კი პოსტერი:

კაქტუსა – დიდი პარკურისტი

BigCrow — Sun, 20 Apr 2008 21:01:23 +0000

ბევრი ვიყალთაბანდე თუ ცოტა, საბოლოოდ მაინც ავიღე კამერა ხელში და ახალი ნამცხვარი გამოვაცხვე. ნამცხვარს ქვია ”კაქტუსი – პარკურისტი”. თუ არ იცით რა არის პარკური, ვიდეოში რომ რაღაცეები ხდება, მაგ სპორტს ქვია პარკური…

ვიდეოს არის რაღაც პრომოსა და კლიპს შორის, ალბათ უფრო პრომოკლიპი, დინამიური, გადაღებული ხელის კამერით, უძრავი კადრები რაცაა, ძირს მედო კამერა. ოპერატორი – ყვავა, მონტაჟი – კაქტუსა, გადაღების ადგილი – იპოდრომი და მიმდებარე ტერიტორიები. აუცილებლად აღსანიშნავია აგრეთვე საუნდტრეკი…

აგერ ვიდეო მოკლედ და დატკბით:

რაღა თქმა უნდა პირდაპირი ლინკი: http://www.youtube.com/watch?v=JIsZsqocSRo

Header Image

BigCrow — Tue, 15 Apr 2008 16:09:52 +0000

ესეც ჩვენი ლამაზი და კოხტა ჰედერი… იყოს უბრალოდ, არავის ხელს არ შეუშლის, მოალამაზებს აქაურობას…

იცით თუ არა რომ – მეორე სეზონი

BigCrow — Thu, 13 Mar 2008 09:26:27 +0000

მეორე სეზონი, პირველი სერია.

ალბათ გახსოვთ “იცით თუ არა რომ, კონგოსთან ერთად” -ი, პირველი სერიები, პირველი ისტორიები და დაუვიწყარი კონგო…

ეს იყო ადრე… ეს იყო კარგი…
მოვიდა ახალი წელი და დადგა დრო ახალი სეზონის გადაღებისა. ამჯერად უკეთეს ხარისხს მივაღწიეთ, ვიდრე წინა სერიებში იყო.

იხილეთ ვიდეო:

პირდაპირი ლინკი: http://www.youtube.com/watch?v=e0hWW6x1AlU

გადმოსაწერი ლინკი: http://files.ge/file/184876/IciT-Tu-ara-rom—Gegastan-ErTad—gadacema-2-1-wmv.html

კიდევ ერთი: http://allshares.ge/download.php?id=AC686FD37

კინო მომეცით!

BigCrow — Tue, 11 Mar 2008 21:38:16 +0000

მომეცით კინო

გინახავთ ალბათ კინოს დასაწყისში რაღაც ყვერობა ლოგოები რომ არის ხოლმე, კომპანიის ჩახუტების და სიყვარულის ამბავში. ეგეთივე რაღაცაა ესეც დატკბით აბა…

ლინკი ვიდეოზე: http://www.youtube.com/watch?v=1KGlejVKcSA

საით მივდივართ…

BigCrow — Thu, 06 Mar 2008 10:44:52 +0000

აჰა… საით ავიღოთ მიმართულება, რას მივაწვეთ, ეს არის ასე თუ ისე საპასუხო შეკითხვა, რის გარეშეც არ გამოვა არაფერი.

ანიმაცია კარგი რამეა, რთულია მართალია, მაგრამ საბოლოო შედეგი ასწორებს, ამ მხრივ რაღაც ძვრები არის, სცენარებიც დაწერილია და მხოლოდ და მხოლოდ დაჯდომა (ან უფრო დასხდომა) უნდა, რომ ხორცი რა იყო და კადრი შეესხას. სიზარმაცე, გამართლებული მოუცლელობით…

საწყისი იდეაც კარგია, კინომატოგრაფია, შესანიშნავი რამეების გაკეთება შეიძლება კამერის ტრიალით და გავაკეთებთ კიდეც, კლიპს მივიყვანთ ბოლომდე და ორიოდ ჰორორ სცენარსაც გავაცოცხლებთ. აქაც იგივე რამე გვიშლის ხელს – სიზარმაცე, გამართლებული მოუცლელობით…

მოკლედ ასეთი სიტუაციაა, ტრაკის განძრევაა საჭირო და მერე გაირკვევა, საით მივდივართ…

ქუდი მზადაა

BigCrow — Sun, 24 Feb 2008 21:52:30 +0000

არა, მკერავობა არ დამიწყია…

ქუდი გავაკეთე რა, ვიდეო ქუდი, უფრო სწორად ვიდეოების ქუდი, ანუ ვიდეო როლიკი, რომლითაც დაიწყება (სანამ უკეთესს არ გავაკეთებ ) ყველა ანიმაცია, ჩვენს მიერ გაკეთებული. მოკლედ, ქუდია რა ნუ საუნდტრეკი ორიჯინალი, ბაი მი.

და რაღა თქმა უნდა ლინკი ვიდეოზე: http://www.youtube.com/watch?v=MScvV3DcyOc

სამი ისა…

BigCrow — Wed, 20 Feb 2008 12:25:06 +0000

…მოკლედ, ჩვენი სურათი.

რა კარგები და რა ლამაზები ვართ, პირდაპირ აღარ შემიძლია რა…

სამუშაო პირობები (ნაწილი პირველი)

mroveli — Wed, 20 Feb 2008 00:39:21 +0000

მაშასადამე სტუდიაში ცვლილებებია. სტუდია დატოვა და მეზობელ დაჯგუფებას შეეხიზნა დონის მსახიობი, კაცი ზომბი და კაცი ავადმყოფური აზროვნება, თვით გეგა, გარდა მსახიობურ ტალანტისა, გეგა სპეცეფექტების შესანიშნავი ოსტატია, ასე რომ მეზობელ დაჯგუფებას შეუძლია დილა-საღამოს სანთლები გვინთოს ასეთი კაცი რომ იშოვნეს
გეგას წასვლას გარდა უარყოფითისა, დადებითი მხარეებიც აქვს. დღეიდან სტუდია უფრო შეიკრა და უახლოეს მომავალში სტუდიის რეზიდენტ წევრად ალბათ არავის მივიღებთ.

მაშასადამე, crowpictures-ის სტაფი დღევანდელი მდგომარეობით:

ყვავა სტუდიის სული და გული, მთავარი ინტელექტუალური რესურსი, რეჟისორი და პროდიუსერი

მროველი სტუდიის ახალი შენაძენი. მისი მთავარი საქმე პროფესიული სცენარების წერა, მედია მენეჯმენტი, ტვინის ბურღვა და სიგარეტის მოწევაა

კაქტუსა კიდევ ერთი ინტელექტუალური რესურსი + კომპიუტერული გრაფიკა და სპეცეფექტები

ეს ცოცხალი ძალა, რაც შეეხება ტექნიკურ საშუალებებს. ჩვენი სტუდიის განაკრგულებაშია Samsung-ის ვიდეო კამერა (ზუსტი მოდელი არ მახსოვს ) შტატივი, ანიმაციური სტუდია (დაწვრილებით ქვედა პოსტში) ორი მეტნაკლებად ძლიერი კომპიუტერი, ასევე სცენარისტის განკარგულებაშია პროფესიული სცენარების საწერი პროგრამა, რომელიც მწარმოებლის საიტზე 300 მწვანე ღირს, ვარეზებზე კი არ იშოვნება

Test Animation

BigCrow — Tue, 19 Feb 2008 15:32:21 +0000

დღეს მროველი იყო ჩემთან…

ჰოდა მოდი, რა ვქნათ, რა ვქნათო და გავაკეთეთ პატარა ტესტი სისტემისა, სატესტო ანიმაცია, ”კაკ ვსიო ეტო ბუძიტ რაბოტაწ”. შედეგი მოგვეწონა, შეიძლება ასე მუშაობა თურმე.

ანიმაცია, როგორც ასეთი, არაფერი განსაკუთრებული არაა, რამდენიმე (50+) კადრი გადავიღეთ და მერე ერთმანეთზე მივაბით, პატარა მუსიკა დავადეთ და ესეც შენი სატესტო ანიმაცია.

აქვე ფოტოები და რაღა თქმა უნდა ვიდეოც, რა გამოვიდა და როგორ კეთდებოდა.

აგერ მეორე კადრიც…

და რაღა თქმა უნდა თავად ვიდეოც:

პირდაპირი ლინკი: http://www.youtube.com/watch?v=dx23PA1lDQ8

ანიმაციის სტუდია

BigCrow — Sat, 16 Feb 2008 19:45:09 +0000

სიახლე მაქვს ე.ი. გადასარევი, ნუ ჩემთვის მაინც გადასარევი… როგორც იტყვიან Насматрелся სხვადასხვა იდიოტურ ანიმაციებზე, საუთ პარკის და რობოტ ჩიქენის სტილის, სადაც არაკომპიუტერზე ხდება ანიმაცია, ჰოოდა უცებ გამახსენდა ერთი შესანიშნავი მოწყობილობის არსებობის შესახებ, რომელიც გარდერობის თავზე მიდევს აგერ უკვე რამდენი ხანია და მტვერი ედება.

ესაა შტატივი, ოღონდ უბრალოდ შტატივი არა, მაკროშტატივი, განკუთვნილი ფოტოგადაღებებისთვის. ამ შტატივს მე ისტორიამდელ პერიოდში ვიყენებდი რაღაც-რაღაც ფოტოგადაღებებისთვის, მაგრამ ახლა მისი დატუნინგება… ჰმ, კაი აზრია…

”…და მუნ ჰქმნა ყვავამ ნათელი…”, ანუ შტატივს მივამაგრე განათება, მივამაგრე პაწაწკუნტელა და მონიტორის თავზე ტყუილად მყოფი ვებკამერა და ვოალა! ანიმაციის მინი სტუდია მზადაა!

ბევრი რომ არ ვილაპარაკო, სურათებით დატკბით:

ეს საერთო ხედი, ეს კი ახლოდან:

ჰო, სურათები პატარებადაა ჩასმული, დააჭირეთ და გაიზრდება.

პირველ პროდუქციას მალევე შემოგთავაზებთ… :-)))

ზომბი ნიდიდ :-)

mroveli — Wed, 06 Feb 2008 20:02:36 +0000

გაგონილა კაცო ასეთი რაღაც? კაცს რომ ზომბი საძებნელი გეყოლება… ნუ მართალია ერთი ზომბი არ გვინდა ჩვენ, არამედ რამდენიმე, მაგრამ მაინც რა ზომბი ზომბია…

მოკლედ, კლიპისთვის რამდენიმე ზომბი გვჭირდება, ან მათი მოვალეობის შემსრულებელი ვინმე, მაგრამ ვერ ვშოულობთ, არ ცალია ხალხს მაღალი ხელოვნებისთვის და ჰა…

ეჰ ))

კლიპს ვიღებთ…

BigCrow — Tue, 29 Jan 2008 19:22:16 +0000

დღეს დავიწყეთ ჯგუფ ”Immortal Drunkards” -ის სიმღერაზე ”ცანგალა და გოგონა” კლიპის გადაღება. ჯერჯერობით ყველაფერი კარგად მიდის, ხვალ რაღაც ტექნიკურ საკითხებზე უნდა ვირბინოთ (გრიმი, სისხლი და ათასი ჯანდაბა) და იმედია ამ დღეებში, კაკრაზ სანამ თოვლიც არის, კლიპის ნახევარს მაინც გადავიღებთ.

მეორე ნახევარი კიდევ ცალკე პესნიაა, მგონი ამ სისხლიან ნაწილზე უფრო ტვინის საბურღი, მაგრამ ეგ არაფერი, დედას ვუტირებთ…

სცენარისტი в студию!

BigCrow — Fri, 25 Jan 2008 17:05:35 +0000

მაშდამე, გამარჯობა.

სტუდია ”Crow Pictures”-ს ოფიციალურად შემოუერთდა აქამდე განზე მდგომი და ცალკე მოღვაწეობით დაკავებული, მრავალი ნოველისა თუ მოთხრობის ავტორი, სცენარისტი ლევან მროველი. იმედია, რომ მისი ტალანტი და ენთუზიაზმი სასიკეთოდ გამოადგება სტუდიას და იქნება საწინდარი ჩვენი მომავალი წარმატებისა. აქამდე ის მოწვეული სტუმრის სტატუსით მონაწილეობდა სცენარების, კერძოდ კი ”ცანგალა და გოგონა”-ს კლიპის სცენარის შექმნა-დამუშავებაში.

ახლა კი არაოფიციალური ნაწილი :-) მოკლედ, ლევანჩიკი ჩვენს გვერდითაა, ერთი თავი კარგიაო, მაგრამ ორი უკეთესიო… თან ეს აპგრეიდი, ჩვენში რომ დარჩეს, მარტო ინტელექტუალური განახლება არაა, ჩვენი აპარატურის დონესაც შეეტყობა… ასე თუ ისე

ასე რომ ვნახოთ, ყველაფერი წინაა.

Graveyard Nightmare

BigCrow — Thu, 22 Feb 2007 10:12:12 +0000

[ ძველი რელიზი ]

წარმოგიდგენთ ერთ ძველ შორტ ფილმს. ფილმი გადაღებულია 2007 წლის 22 თებერვალს. სტილი: ფსიქოდელიკ-საშიშ-უცნაურ-გოთიკური, მოკლედ მე თვითონ არ ვიცი როგორი სტილია ეს

გადაღებულია მობილურით :-)

Enjoy watching.

პირდაპირი ლინკი: http://www.youtube.com/watch?v=BtIQDcK8A0k